नवी दिल्ली, दि. १० मे २०२६- PM Narendra Modi appeal, पश्चिम आशियातील वाढत्या तणावामुळे जागतिक स्तरावर ऊर्जा संकट निर्माण होण्याची शक्यता व्यक्त केली जात असताना पंतप्रधान Narendra Modi यांनी देशवासियांना इंधन बचतीचं मोठं आवाहन केलं आहे. पेट्रोल, डिझेल, गॅस यांसारख्या पेट्रोलियम उत्पादनांचा वापर केवळ गरजेनुसार करावा, असं सांगत त्यांनी परकीय चलन वाचवण्यावर भर दिला. विशेष म्हणजे “वर्क फ्रॉम होम”, सोन्याची खरेदी टाळणे आणि परदेशी प्रवास कमी करणे यांसारख्या महत्त्वाच्या सूचनांनी देशभरात मोठी चर्चा सुरू झाली आहे.
तेलंगणाची राजधानी Hyderabad येथे ९३७७ कोटी रुपयांच्या विविध विकास प्रकल्पांचं उद्घाटन करताना मोदी बोलत होते. अमेरिका-इराण संघर्षामुळे जागतिक तेलबाजार अस्थिर होत असल्याच्या पार्श्वभूमीवर भारताने अधिक सतर्क राहण्याची गरज असल्याचं त्यांनी स्पष्ट केलं.
“पेट्रोल-डिझेल जपून वापरा” (PM Narendra Modi appeal)
पंतप्रधान मोदी म्हणाले की, भारत मोठ्या प्रमाणावर कच्च्या तेलाची आयात करतो. त्यामुळे पेट्रोल आणि डिझेलचा वापर गरजेनुसारच करणे अत्यंत आवश्यक आहे. यामुळे देशाचं परकीय चलन वाचेल आणि संभाव्य युद्धजन्य परिस्थितीचे आर्थिक परिणामही कमी होतील.त्यांनी नागरिकांना शक्य तितक्या प्रमाणात मेट्रो, सार्वजनिक वाहतूक आणि इलेक्ट्रिक वाहनांचा वापर करण्याचं आवाहन केलं. “इंधन बचत ही आता केवळ आर्थिक गरज नसून राष्ट्रीय जबाबदारी बनली आहे,” असंही त्यांनी सांगितलं.
“वर्क फ्रॉम होम”वर मोदींचा भर
मोदी यांनी खासगी कंपन्या, आयटी क्षेत्र आणि कॉर्पोरेट क्षेत्राला “वर्क फ्रॉम होम” आणि ऑनलाइन बैठकींना प्राधान्य देण्याचं आवाहन केलं. अनावश्यक प्रवास टाळल्यास इंधनाची मोठ्या प्रमाणावर बचत होऊ शकते, असं त्यांनी नमूद केलं.कोरोना काळानंतर पुन्हा एकदा “वर्क फ्रॉम होम” चर्चेत आलं असून, वाढत्या इंधन दरांच्या पार्श्वभूमीवर सरकारकडून हा महत्त्वाचा संदेश मानला जात आहे.
सोनं खरेदी करू नका; परदेश दौरे टाळा
मोदी यांनी पुढील एक वर्ष नागरिकांनी सोन्याची खरेदी टाळावी, असं स्पष्ट आवाहन केलं. भारतात मोठ्या प्रमाणावर सोन्याची आयात होत असल्याने त्याचा थेट परिणाम परकीय चलन साठ्यावर होतो. त्यामुळे देशाच्या आर्थिक स्थैर्यासाठी नागरिकांनी संयम ठेवण्याची गरज असल्याचं त्यांनी सांगितलं.याशिवाय परदेश प्रवास शक्यतो टाळण्याचंही त्यांनी आवाहन केलं. “देशाचं परकीय चलन सुरक्षित ठेवणं ही प्रत्येक नागरिकाची जबाबदारी आहे,” असं मोदी म्हणाले.
मोदींची देशवासियांना ९ मोठी आवाहनं (PM Narendra Modi appeal)
१) पेट्रोल-डिझेलचा वापर जपून करा
२) खाद्यतेलाचा वापर मर्यादित ठेवा
३) पुढील एक वर्ष सोनं खरेदी टाळा
४) परदेशी प्रवास कमी करा
५) कच्च्या तेलाची बचत करा
६) परकीय चलन साठा सुरक्षित ठेवा
७) मेट्रो आणि इलेक्ट्रिक वाहनांचा वापर वाढवा
८) वर्क फ्रॉम होम आणि ऑनलाइन मिटिंग्सना प्राधान्य द्या
९) परकीय उत्पादनांची खरेदी कमी करा
नवीकरणीय ऊर्जेकडे भारताची झेप
पंतप्रधान मोदी यांनी भारताच्या ऊर्जा धोरणावरही भाष्य केलं. सौर ऊर्जा उत्पादनात भारत जगातील आघाडीच्या देशांमध्ये पोहोचल्याचं त्यांनी सांगितलं. पेट्रोलमध्ये इथेनॉल मिश्रण वाढवून आयात इंधनावरील अवलंबित्व कमी करण्यात भारताला मोठं यश मिळाल्याचं त्यांनी स्पष्ट केलं.तसंच, प्रत्येक घरापर्यंत एलपीजी आणि पीएनजी गॅस पोहोचवण्यासाठी केंद्र सरकार वेगाने काम करत असल्याचं त्यांनी सांगितलं. सीएनजी आधारित वाहतूक व्यवस्थेलाही सरकारकडून प्रोत्साहन दिलं जात असल्याचं त्यांनी नमूद केलं.
तेलंगणात ९३७७ कोटींच्या प्रकल्पांचं उद्घाटन
Telangana मध्ये उद्घाटन करण्यात आलेल्या प्रकल्पांमध्ये हैदराबाद-पणजी आर्थिक कॉरिडॉरवरील राष्ट्रीय महामार्ग १६७ चे चौपदरीकरण, जहीराबाद औद्योगिक क्षेत्र विकास, काझीपेट-विजयवाडा रेल्वे मल्टी ट्रॅकिंग प्रकल्प, ग्रीनफिल्ड पेट्रोलियम टर्मिनल आणि पीएम मित्र पार्क यांसारख्या महत्त्वाच्या प्रकल्पांचा समावेश आहे. मोदी यांनी यावेळी “भारत सुधारणा एक्सप्रेसवर वेगाने पुढे जात आहे,” असं सांगत पायाभूत सुविधांवर सरकारचा भर कायम राहील, असं स्पष्ट केलं.
