Bigg Boss Marathi – ३ : मीरा जगन्नाथ आणि स्नेहामध्ये होणार भांडण ?

मुंबई – बिग बॉस मराठी सिझन ३ ची चर्चा संपूर्ण महाराष्ट्रात रंगली… स्पर्धक कोण असतील ? घरं कसे असेल ? या बद्दलची उत्सुकता प्रेक्षकांच्या मनात होती… आणि काल संध्या ७ वाजता यासगळ्यावरून पडदा उघडला … महेश मांजरेकर यांची धमाकेदार एन्ट्री झाली आणि याचसोबत सिध्दार्थ जाधवने महेश मांजरेकर यांना उत्तम साथ देत पुन्हाएकदा सगळ्याची मने जिंकली… स्ंनेहा वाघ, मीनल शाह, अक्षय वाघमारे, मीरा जगन्नाथ, विकास पाटील, सुरेखा कुडची, गायत्री दातार यांचे एका पेक्षा एक परफॉर्मन्स सादर झाले…याचसोबत बिग बॉस मराठीच्या घरात सामाजिक कार्यकर्त्या आणि भूमाता ब्रिगेड संस्थेच्या संस्थापिका तृप्ती देसाई ( Social activist Tripti Desai ) यांची एंट्री झाली. याशिवाय तरुण कीर्तनकार शिवलीला बाळासाहेब पाटील यांची देखील एंट्री झाली. सोनाली पाटील यांची बिग बॉस मराठी सिझन ३ च्या घरात पहिली एन्ट्री झाली आणि त्यानंतर एक एककरून १४ सदस्य बिग बॉस मराठीच्या घरात गेले…बिग बॉस मराठीचे अलिशान घरं बघून सगळेच अवाक झाले…

बिग बॉस मराठीच्या घरामध्ये पाहिल्याच दिवशी मीरा आणि जय मध्ये होणार भांडण …तसंच मीरा आणि स्ंनेहामध्ये बाचाबाची. मीराने जयला सुनावले “जय मला डोक आहे”. तर स्नेहाने मिराला खडसावले “ही काय पध्दत आहे का बोलायची” ? घरामध्ये झालेला वाद असो वा बिग बॉस मराठीच्या घरामध्ये झालेली पहिली नॉमिनेशन प्रक्रिया असो सगळेच चर्चेत असणार आहे…मीरा आणि स्ंनेहा तसेच मीरा आणि जयमध्ये वाद कशा वरून झाला ? पुढे काय झालं ? हे आजच्या भागामध्ये कळेल…

पहिल्या नॉमिनेशन द्वारे लढाईचा प्रारंभ होणार आहे. सदस्यांचा पहिला दिवस कसा होता ? पहिल्या नॉमिनेशन प्रक्रीये मध्ये कोण कोण नॉमिनेट झाले ? हे बघणे रंजक ठरणार आहे… तेंव्हा नक्की बघा बिग बॉस मराठी सिझन ३ रात्री ९.३० वा. फक्त आपल्या कलर्स मराठीवर.

पहिल्या आठवड्यात घरामध्ये असणार महिलांचे राज्य ! 

बिग बॉस मराठीच्या घरामध्ये या सिझनला बरीच सरप्राईझेस असणार आहेत. या सिझनच्या पहिल्या आठवड्यात घरावर महिलांचा राज्य असणार आहे. काल पार पाडलेल्या ग्रँड प्रिमियरच्या भागामध्ये प्रत्येक महिला स्पर्धकला सांगण्यात आलं की, तुम्ही घरातील एका भागाच्या मालकीण असणार आहात आणि तुम्हाला एक सेवक दिला जाणार आहे. यामध्ये घरातील सगळी काम त्या सेवकाला पार पाडायची आहेत, ज्यामध्ये मालकिणीचा कोणत्याही प्रकारचा हस्तक्षेप नसेल.आता या महिला सदस्य कसं काम करू घेणार ? यामुळे घरामध्ये किती वादविवाद होणार ? हे बघणे रंजक असणार आहे.

किचनच्या मालकीण (सकाळची जबाबदारी) आहेत सुरेखा कुडची आणि त्यांचे सेवक आहेत आविष्कार दारव्हेकर आणि संतोष (दादुस) चौधरी. किचनची संध्याकाळची जबाबदारी (मालकीण) स्नेहा वाघ आणि जय दुधाणे, विशाल निकम असणार आहेत सेवक. डिशिंगची मालकीण तृप्ती देसाई आणि त्यांचे सेवक असणार आहेत उत्कर्ष शिंदे, अक्षय वाघमारे. लिव्हिंग रुम आणि डायनिंगची मालकीण आहे गायत्री दातार आणि सेवक आहेत जय दुधाणे. बेडरूमची मालकीण आहे मिरा जगन्नाथ आणि सेवक आहे आविष्कार. बाथरूमची मालकीण आहे मीनल शाह सेवक आहे विकास पाटील. GYM एरियाची मालकीण आहे सोनाली पाटील आणि संतोष (दादुस) चौधरी आहेत सेवक. गार्डन + स्वीमिंग पूल या एरियाच्या मालकीण आहेत शिवलीला पाटील आणि त्यांचे सेवक असणार आहेत विकास पाटील.

बघूया हे सेवक त्यांना दिलेलं कार्य कश्याप्रकारे पार पाडतील. बघत रहा बिग बॉस मराठी सिझन तिसरा दररोज रात्री ९.३० वा. कलर्स मराठीवर.