नाशिक जिल्ह्यातील कोरोनाच्या रुग्णसंख्येत वाढ 

नाशिक जिल्ह्यात आज कोरोनाचे १३६ तर शहरात ५१ नवे रुग्ण:एकूण ऍक्टिव्ह रुग्ण १०६३

मागील २४ तासात : जिल्ह्यात ८६ कोरोना मुक्त : ९२१ कोरोनाचे संशयित : रुग्ण बरे होण्याचे प्रमाण ९७.६२ %

नाशिक – नाशिक जिल्ह्यातील कोरोनाच्या रुग्ण संख्येत काही दिवसापासून सातत्याने वाढ बघायला मिळते आहे. नाशिक शहरात आटोक्यात आलेल्या रुग्ण संख्येत ही काही प्रमाणात वाढ बघायला मिळते आहे.काही दिवसापूर्वी १ हजारांच्या आत आलेली ऍक्टिव्ह रुग्णांची संख्या पुन्हा एक हजाराच्या वर गेली आहे. मृत्यू दर कमी असला तरी काही दिवसापासून नाशिक जिल्ह्यातील रुग्णसंख्येत वाढ होणे हि सणासुदीच्या पार्श्वभूमीवर धोक्याची सूचना आहे की काय असा प्रश्न पडला आहे . 

आज नाशिक जिल्ह्यात १३६ कोरोना बाधित रुग्ण आढळले आहेत.त्यापैकी  नाशिक शहरात नव्या रुग्णांची संख्या ५१ झाली आहे.तर जिल्ह्यात आज ८६ जण कोरोना मुक्त झाले.आज जिल्ह्यात कोरोनामुळे ४ जणांचा मृत्यू झाला.आज मात्र ७२४ जणांचे कोरोनाचे अहवाल येणे प्रतीक्षेत आहे.