बिहारच्या राजकारणातील ‘सुपर मंडे’नंतर आता ‘सुपर थर्सडे’ची तयारी!

पटना, दि. 19 नोव्हेंबर 2025 –Nitish Kumar Oath Ceremony बिहारमध्ये गेल्या चार दिवसांत रंगलेल्या राजकीय थराराला अखेर पूर्णविराम मिळाला आहे. नितीश कुमार उद्या, गुरुवार 20 नोव्हेंबर रोजी, दहाव्यांदा मुख्यमंत्रीपदाची शपथ घेणार आहेत. एनडीए विधिमंडळ पक्षाच्या बैठकीत त्यांच्या नावावर एकमत झाल्याने पुन्हा एकदा राज्याची धुरा त्यांनी सांभाळणार हे निश्चित झाले.यावेळी नितीश कुमार यांच्यासोबत सम्राट चौधरी आणि विजय सिन्हा हे दोघे उपमुख्यमंत्री म्हणून शपथ घेतील. आगामी मंत्रिमंडळात जेडीयूकडून १३ मंत्री येऊ शकतात, तर भाजपकडून अनुभवी आणि नव्या चेहऱ्यांचा योग्य समतोल राखण्याची तयारी सुरू आहे.

🔹 गांधी मैदान सज्ज; उद्या भव्य शपथविधी सोहळा(Nitish Kumar Oath Ceremony)

गुरुवारी गांधी मैदानावर मोठ्या दिमाखात शपथविधी पार पडणार आहे. या समारंभाला देशातील अनेक नामवंत नेते उपस्थित राहणार आहेत.पंतप्रधान नरेंद्र मोदींची उपस्थिती निश्चितशपथविधी सोहळ्यासाठी पंतप्रधान मोदी स्वतः पटना येथे पोहोचतील. त्यांच्या सुरक्षेसाठी एसपीजीने पूर्ण मैदान ताब्यात घेतले असून, 250+ दंडाधिकारी,250+ वरिष्ठ पोलिस अधिकारी,2500+ सुरक्षाकर्मी आणि उंच इमारतींवर स्नायपर्स तैनात करण्यात आले आहेत.

🔹 महाराष्ट्रातून कोण करणार हजेरी?

या शपथविधीला महाराष्ट्रातूनही महत्त्वाचे नेते सहभागी होणार आहेत.महाराष्ट्राचे मुख्यमंत्री देवेंद्र फडणवीस उद्या पटना येथे उपस्थित राहणार आहेत. तसेच भाजपशासित राज्यांतील अनेक मुख्यमंत्री आणि उपमुख्यमंत्री या कार्यक्रमास हजेरी लावतील.

🔹 एनडीएचे शक्तीप्रदर्शन: 3 लाख लोकांची सभा

शपथविधीसोबतच गांधी मैदानावर एनडीएचे मोठे शक्तीप्रदर्शनही होणार आहे.जेडीयू, भाजप, एचएएम आणि आरएलएमच्या कार्यकर्त्यांनी 3 लाखांहून अधिक लोकांना मैदानावर आणण्याची तयारी केली आहे.प्रत्येक आमदारावर किमान 5 हजार कार्यकर्त्यांची उपस्थिती सुनिश्चित करण्याची जबाबदारी सोपवण्यात आली आहे.

🔹 विधिमंडळ पक्षाच्या बैठकीतील मोठे निर्णय

आज जेडीयू आणि भाजपची स्वतंत्र बैठक पार पडली. त्यानंतर एनडीए विधिमंडळ पक्षाची संयुक्त बैठक सेंट्रल हॉलमध्ये झाली.या बैठकीला सर्व 202 आमदार उपस्थित राहिले.नितीश कुमार यांची एनडीएच्या विधिमंडळ नेतेपदी निवड

मंत्रिमंडळ रचनेबाबत प्राथमिक चर्चा

प्रोटोकॉलनुसार शपथविधी कार्यक्रमाचे नियोजन हे निर्णय आज अंतिम करण्यात आले.यानंतर नितीश कुमार राज्यपालांकडे जाऊन औपचारिक दावा सादर करतील. संपूर्ण प्रक्रिया आज संध्याकाळपर्यंत पूर्ण होणार आहे.

🔹 भव्य मंच, उच्चस्तरीय सुरक्षा आणि ऐतिहासिक क्षणांची साक्ष

गांधी मैदानावर 80 फूट उंच मंच, मोठ्या स्क्रीन, ड्रोन सर्व्हेलन्स, व्हीआयपी झोन आणि प्रेस गॅलरीची तयारी युद्धपातळीवर सुरू आहे. पद्मभूषण व पद्मश्री पुरस्कार विजेते, साहित्यिक, शास्त्रज्ञ, उद्योजक यांनाही निमंत्रण देण्यात आले आहे.

🔹 बिहारच्या राजकारणातील नवा अध्याय

एनडीएच्या घवघवीत विजयानंतर नितीश कुमार यांच्यासमोर शासन स्थिर ठेवणे, विकास प्रकल्पांना गती देणे आणि तरुणांच्या रोजगाराचा प्रश्न सोडवणे ही मोठी आव्हाने असणार आहेत.दहाव्या कार्यकाळाची सुरुवात होत असताना, राष्ट्रीय पातळीवरही बिहारचे हे राजकीय सत्र मोठ्या चर्चेत आहे.