नाशिक,दि,२९ जानेवारी २०२५ –नाशिक महानगर पालिकेचे गंगापूर धरणाच्या पंपिंग स्टेशन येथे महावितरण कंपनीकडील १३२ के.व्ही. सातपुर व महिंद्रा या दोन फिडरवरुन ३३ के.व्ही. एच.टी. वीजपुरवठा घेणेत आलेला असुन सदर पंपिंगद्वारे मनपाचे बारा बंगला, शिवाजीनगर, पंचवटी,निलगिरी बाग,गांधीनगर व नाशिकरोड जलशुध्दीकरण केंद्र यांना रॉ.वॉटरचा पुरवठा करण्यात येतो. तसेच मनपाचे मुकणे रॉ.वॉटर पंपिंग स्टेशन येथे महावितरण कंपनीकडील रेमण्‍ड सबस्टेशन गोंदे येथुन एक्सप्रेस फिडरवरुनजॅकवेलसाठी ३३ के.व्ही. वीजपुरवठा कार्यान्वित आहे.याच्या देखभाल दुरुस्तीचे काम येत्या शनिवार दि,१ फेब्रुवारी रोजी करण्यात येणार आहे.
त्यामुळे गंगापुर धरण व मुकणे धरणातून या कालावधीत पंपीग करता येणार नसल्याने दरम्यान मनपाचे सर्व जलशुध्दीकरण केंद्र बंद राहणार आहे. त्यामुळे संपुर्ण नाशिक शहरास दि.१ फेब्रुवारी २०२५ रोजी संपुर्ण दिवस पाणी पुरवठा बंद राहणार आहे. शनिवार दि. १ फेब्रुवारी २०२५ रोजी सकाळी ९ तेसायंकाळी ५ वाजे पर्यंत वीज पुरवठा बंद असल्याने त्यामुळे .तसेच रविवार दि.२ फेब्रुवारी २०२५ रोजीचा सकाळचा पाणीपुरवठा कमी दाबाने होईल, याची नागरीकांनी नोंद घ्यावी व मनपास सहकार्य करावे असे आवाहन सार्वजनिक आरोग्य अभियांत्रिकी पाणी पुरवठा विभागाने केले आहे.
